KALIBO, Aklan — Haeos mabitas ro liog it sangka 51-anyos nga eaeaki matapos eab-on it anang umagad sa Barangay Dit-ana, Madalag, Aklan.
Ginkilaea ro biktimang dead on the spot nga si Deonie Celino, residente it Barangay Medina sa nasambitang banwa.
Samtang, insigida man nga nagsurender sa mga pulis ro suspek nga si Jernel Narce, 34, residente it nasambitang lugar. ‘
Base sa ginpatigayong imbestigasyon it pulisya, nag-adto sa lugar ro suspek agud magpangahoy, apang nasub-eang kara ro anang panugangan nga paadto man sa anang taeamnan.
Bangud sa dating banggianay, gilayon nga ginbu-eo it eaeaki ro anang sanduko ag gin-eabo ro anang panugangan sa liog sa kabaeaka nga maunahan pa imaw.
Sa makaron si Narce hay nakakulong eon sa Madalag Police Station ag nagapangatubang sa nagakaigong kaso.
