-- ADVERTISEMENT --
KALIBO, Aklan — Patay ro sangka 45-anyos nga construction worker matapos rayang parakueon it anang kainuman bangud sa owa pagkaintindihan sa Sitio Bulabog, Brgy. Balabag sa isla it Boracay.
Gin kilaea ro biktimang si Jimmy Quintua, residente it Sto. Niño, Biñan, Laguna ag temporaryong nagatrabaho sa sangka construction site sa isla samtang insigida man nga nakapaeagyu ro suspek nga si Henry Tumaque it Caloocan City, sangka foreman ag katrabaho it biktima kat matabo ro krimen.
Sa inisyal nga imbestigasyon it Boracay Tourist Assistance Center (BTAC), nagkapikunan ro daywa samtang naga inuman rason nga gin parakoe it suspek ro biktima nga napuruhan sa tiyan ag uyahon.
Gin padangat pa raya sa ospital apang, patay eon kat makaabot.
