POLICE Report — Ginbaril-patay ro sangka eaeaki sa Cebu City bangud sa gina-alegar nga owa raya nakabayad it anang utang.
Base sa report, nakilaea ro suspek nga sangka 18-anyos, owa it asawa ag maeapit nga amigo it pamilya it biktima.
Sa inisyal nga imbestigasyon it kapulisan, nag-utang it P400 ro biktima halin sa suspek.
Kat masayuran it suspek nga nagdaog sa online game ro biktima hay ginhana nana raya nga sukton sa anang ginpa-utang nga kwarta.
Nag-agto ro suspek sa baeay it biktima apang owa raya idtu.
Ko ulihi hay bumalik ro suspek sa baeay it biktima ag ginhana nga sukton ro utang apang owa nakabayad ro biktima bangud nga naubos eon sigon ro anang kwarta.
Dikara eon namaril ro suspek.
Gin-aresto ro suspek ag nagapangatubang sa kasong murder.
