KALIBO, Aklan — Patay ro sangka 46-anyos nga eaeaki matapos hampakon it tubo it anang nakaalitan sa Barangay Joyao-Joyao, Numancia, Aklan.
Ginkilaea ro biktima nga si Richard Torres, residente it nasambitang lugar.
Nadakpan man it mga otoridad ro suspek nga si Jessie Naigue it Barangay Aliputos, Numancia, Aklan nga ginaalegar nga self-defense eamang ro ginhimo.
Sa interview it Bombo Radyo, ginpahayag it suspek nga samtang nagapanikagon hay gintambangan raya it biktima ag ginhana nga eampusan it tubo, apang bangud sa kahilungon hay naagaw nana raya ag insigidang ginhampak sa ueo ni Torres.
Nadaea pa sa ospital ro biktima apang namatay samtang ginabueong.
Nasayuran nga dati eon nga may banggianay ro daywa.
Nakakulong eon makaron ro suspek ag nagapangatubang sa kasong homicide.
