Kalibo Aklan————-Nakaangkon it kasakitan ro sangka eaeaki matapos nga ginpaueanan it pagtueop bandang alas-10:00 kabie sa Brgy. Camanci Sur, Numancia.
Ginkilaea ro biktima nga si Jerry Escalona, 47-anyos samtang ro ginatumod nga suspek hay si Jhon Francisco, 21-anyos ag parehong residente it nasambit nga lugar.
Base sa report, nakabugtaw ro si Escalona bangud sa sangag nga nagahalin sa guwa it andang panimaeay rason nga ana raya nga ginguwa ag nakit-an ro grupo ni Francisco nga nagainuman.
Bangud kara, ana raya nga ginsita apang imbes nga sabton hay ginpaueanon eon lang imaw it tueop sa uyahon ni Francisco nga nagresulta sa anang pag-angkon it kasakitan.
Si Escalona hay ginlaygayan nga magpamedical check up samtang si Francisco hay una eon sa kustudiya it Numancia PNP para sa nagakaigong disposisyon.
