Kalibo Aklan ——Posibleng magapangatubang sa kasong carnapping engkasong magdesider nga magpasaka it kaso ro eaeaki kontra sa anang kaugalingong nga gumankon kat ginbuoe kara ro anang motor sa Brgy. Dongon West, Numancia.
Base sa report, ginkilaea ro tagreklamo nga si Jerry Silvestre, 56-anyos samtang ro ginareklamo kara nga gumankon hay ginkilaeang si Sherwin Reyes Jr., 22-anyos ag parehong residente it nasambit nga lugar.
Ginpahayag nga ginsakyan it suspek ro motorsiklo kaibahan ro anang barkada paadto it banwa it Makato apang naubusan raya it gasolina ag gin-abandona sa may bahin it Brgy. Dumga.
Bangud kara, mismong ro Makato PNP ro nagbueo sa nasambit nga behikulo bangud nga ginreport raya it mga residente sa lugar kon sa siin ko ulihi nasayuran nga naghinyo ro biktima sa suspek nga iuli ro motorsiklo apang nagpakamatig-a raya.
Nakadepende eon lang sa biktima suno sa Makato PNP kon magpasaka raya it kaso kontra sa anang gumankon.
