KALIBO, Aklan — Napas-eawan ro sangka eaeaki sa anang hana nga pagpakamatay matapos nga maputoe ro electrical wiring nga ginhigot sa bubong it sangka chapel sa Brgy. Linabuan Norte, Kalibo, Aklan.
Nakilaea ro biktimang si Nymrod Gasid, Jr., 22, residente it Brgy. Cayabon, Milagros, Masbate , apang temporaryong naga-istar ag nagatrabaho bilang construction worker sa Brgy. Sambiray, Malay, Aklan.
Base sa report it Kalibo Police Station, nagsaka si Gasid sa San Lorenzo Chapel bitbit ro sangka electric wire ag ginhigot sa anang leog antes nga nag-eumpat.
Apang, naputoe ro wire sa anang pag-eumpat rason it anang pagkahueog. Insigida raya nga gindaea it mga rumespondeng rescuers it Provincial Disaster Risk Reduction and Management Office (PDRRMO) sa Aklan Provincial Hospital bangud sa naangkon nga nina sa anang ueo.
Nagapadayun pa ro imbestigasyon it Kalibo PNP sa insidente.
