Balitang Espesyal——– May sakit nga clinical vampirismâ ro sangka 23-anyos nga eaeaki sa Turkey.
Suno sa mga doctor, gina inom it eaeaki ro anang kaugalingon nga dugo.
Ag kon indi pa makuntento sa sariling dugo, nagapang-eagas it buno ag nagapang-angkit it ibang tawo agud eamang nga mainom ro dugo it mga raya.
Sa pihak kara, suno sa mga doctor, owa nasayuran it eaeaki ro anang gina obra.
Ginpahayag pa it mga doctor nga nakaangkon it clinical vampirismâ ro eaeaki bangud sa pagkamatay it 4-anyos nga unga kara nga babaye ag sa nasaksihang pagpatay sa anang amigo nga gin-utdan pa it kinatawo it suspek.
Sa mayad nga swerte, ginkumpirma it mga doctor it military hospital sa Turkey nga napamayad eon nanda ro pagiging bampira it eaeaki ag bukon eon raya it delikado .
Daywang dag-on sigon nanda nga ginbueong ro eaeaki.
