KALIBO, Aklan – – – Patay ro sangka 26-anyos eaeaki matapos nga makuryente samtang nagalimpyo it swimming pool sa Sitio Bolabog, Brgy. Balabag, Boracay.
Nakilaea ro biktima kay Leomer Mirasol, tumandok it Dumalag, Capiz apang, presenteng nagatrabaho sa sangka resort nga underconsruction pa eamang sa nasambitang lugar.
Base sa report, samtang nagalimpyo it pool hay posible sigon nga uwa kara nataeopangdan ro live wire nga may leakage nga nakakabit sa submersible pump nga ginagamit sa paglimyo.
Raya sigon ro daea it biktima sa pag-eosong sa paglimpyo it pool kon siin mabaskog nga boltahe ro nagsueod sa anang eawas nga naging kabangdanan it anang hinali nga kamatayon.
Gintinguhaan pa nga gindaea sa Ciriaco hospital sa isla ro biktima apang, gindeklara man nga dead on arrival.
