KALIBO, Aklan—Patay ro sangka eaeaki matapos nga makuryente sa Brgy. Tibiawan, Makato, Aklan.
Ginkilaea it Makato PNP ro biktimang si Antonio Arce, 36-anyos ag residente it nasambitang lugar.
Base sa inisyal nga imbestigasyon it pulisya, nakit-an ni Arce ro nakalaylay nga kable it kuryente sa daean samtang nagabaktas pauli sa andang panimaeay rason nga anang ginbueo ro tuko nga natumba agud nga ayuson.
Apang, sa anang pagtuko sa kable hay gilayon imaw nga nagkurog bangud nga raya hay sangka sangka live wire it kuryente ag tuga eon man it mabasa nga karsadahon.
Uwa sigon nasayuran it biktima nga live wire ro anang gintuko kon sa siin gilayon nga nag-eatay sa anang eawas ro kuryente.
Insigida imaw nga gindaea sa Aklan Provincial Hospital it mga nagrespondeng myembro it Municipal Disaster Risk Reduction Management Office (MDRRMO)-Makato apang gindeklarang dead on arrival it nagtatap nga doktor.
