-- ADVERTISEMENT --
KALIBO, Aklan — Nagresulta sa bugbugan ro inuman matapos nga magkapikunan ro mga nagatagay bandang alas-11:00 kabi-i sa Brgy. Mangan, Banga, Aklan.
Ginbugbog ag gin-eampusan it bote sa ueo ro biktimang si Alvin Ala Allego nga taga Quiapo, Manila ag presenteng naga-istar sa nasambit nga lugar, samtang owa kara nakilaea ro ap-at nga suspek nga anang naka-inuman.
Suno sa asawa it biktima nga nakibot eamang sanda matapos nga ginhatud sa andang baeay ro biktima nga puro gaob ro anang uyahon.
-- ADVERTISEMENT --
Insigida nanda raya nga gindaea sa Aklan Provincial Hospital para sa nagakaigo nga pagbueong.
Sa makaron hay nagapadayun pa ro imbestigasyon it Banga Police Station sa insidente.
