Mabuhay nga tiempo nga gin-engganyo it 40 anyos nga si Baburam Bhil ro mga otoridad nga imaw hay buhi pa, apang naging mabudlay bangud sa ginpaguwa nga death certificate nga nakapangaean kana.
Suno sa eaeaki nga nagakabakaea imaw nga kon indi maayos ro nasambit nga death certificate hay posibleng maduea ro anang mga propiyedad.
Makapilang beses eon sigon imaw nga nagpaeapit sa mga otoridad ag sa mga katigueangan nga nakakilaea kana agud nga maayos ro saea apang owa raya nasolusyunan.
Bangud kara, naghimo eon lang it krimen si Baburam agud nga mabo-oe ro atensyon it mga otoridad.
Nagpang-atake imaw sa sangka eskwelahan rason nga gin-aresto imaw it kapulisan.
Kasunod kara, nagpatigayon eon it imbestigasyon ro mga otoridad may kaangtanan sa anang kaso.
Hasta sa makaron hay blangko ro eaeaki ag mga otoridad kon paalin nga nakaangkon it record nga imaw hay patay eon.
