-- ADVERTISEMENT --
KALIBO, Aklan — Sangka 77-anyos nga lolo ro nagreklamo sa pulisya matapos madiskubrehan nga ro alagang ayam kara nga sangka dachshund hay ginkatay ag ginsumsuman it adang kaeapitbaeay sa Barangay Bubog, Numancia, Aklan.
Suno kay Desiderio Isturis, pilang adlaw eon nga naduea ro ayam nga kulay itom, ginatantyang ap-at nga dag-ong ginpangaeanang “Madiqs”.
Nabakae sigon nanda ro ayam sa Maynila ko Pebrero 8, 2015 sa balor nga P15,000 ag kompleto sa bakuna base sa andang Pet Health Record.
Ginaturong suspek si Joemar Sorilla ag iba pang mga kainuman kara.
Samtang, ginpahayag ni Dr. Ronald Lorenzo it Office of the Provincial Veterinarian (OPVET)-Aklan nga sangka krimen ro pagkatay ag pagkaon sa mga ayam base sa gin-amyendahang Animal Welfare Act.
-- ADVERTISEMENT --
