Bangud sa sangka football match, indi maka-attend sa anang wedding ro striker nga si Mohamed Buya Turay rason nga ro anang igmanghud anay ro naging groom sa anang bride!
Ko nagtaliwan nga buean, nagdesisyon si Turay nga maghalin sa anang Chinese league agud nga magsaylo sa sangka major Swedish football club nga Malmo FC.
Pagkatapos magpirma ko Hulyo 22, ginhambaean imaw it anang bag-ong team nga kinahangean nana nga magpaidaeum sa grabeng training para sa sangka importanteng tournament.
Apang kadungan sa petsa it tournament hay ro anang kasae.
Owa naila si Turay nga magtau it bad first impression sa anang bag-ong team apang owa man imaw naila nga ipaiway ro anang kasae rason nga naisipan nana nga mag-substitute kana ro igmanghud bilang groom sa wedding day.
Natabu ro kasae sa Sierra Leone sa West Africa.
Makita sa picture ro bride ag ro igmanghud ni Turay nga magka-holding hands para sa cake-cutting ceremony sa wedding reception.
Suno kay Turay nga nagpasugot man ro anang bride nga si Souad Baydon nga igmanghud anay nana ro maga-substitute bilang groom.
Naintindihan sigon kara ro anang sitwasyon sa anang bag-ong gin-intrahan nga football team.
Pagkatapos it kasae, gindaea eon ni Turay ro anang bride sa Sweden agud nga idtu mag-istar.
Agud nga may ma-display sanda nga wedding picture sa bag-ong baeay sa Malmo, Sweden, nakaangkon it wedding photoshoot si Turay ag ro anang bride pilang adlaw antes ro actual wedding day.
