Eaeaki nga may ginabatyag nga masakit, nasapwan nga uwa eon it kabuhi sa sueod it anang panimaeay

KALIBO, Aklan—Nasapwan eon lang it anang pamilya ro sangka eaeaki nga uwa eon it kabuhi sa sueod it anang panimaeay sa Brgy. Joyao-joyao, Numancia.

Ginkilaea it Numancia PNP ro biktimang si Armando Bartolome Ibono, 58-anyos ag residente it nasambitang lugar.

Ginasugid nga may ginabatyag nga masakit ro biktima apang nag-adto pa raya sa namatyan.

Ginapatihan it pamilya nga bangud sa anang pagpinueaw hay mas kapin pang naglala ro anang masakit.

Kumbinsido man ro pamilya nga uwa it foul play ro hinali nga kamatayon it nasambit nga biktima.