Sangka 70-anyos nga eaeaki ro nakalista it world record sa may pinakamabahoe nga koleksiyon it pinball machine ro nagpatindog it kaugalingon nga arcade.
Ginkumpirma it records keeping organization nga Guinness World Records nga si Robert Berk ro presenteng may buyot it titulong “Largest Collection of Pinball Machines” bangud sa koleksiyon kara nga naga-abot sa 1,041 machines.
Nag-umpisa ro pagkolekta it pinball machine ni Berk ko 1971 ag umpisa kato, owa eon imaw nagpundo sa pagbakae it mga raya.
Sa kaabuon it anang koleksiyon, indi eon nana maibutang ro tanan nana nga pinball machine sa anang baeay.
Ginkinahangean nana nga makaangkon it storage facility para kara, Apang imbis nga nakatiwangwang eamang ro mga raya ag indi man nana mahampangan it dueueungan, naisipan nana nga obrahon raya nga business ag nagbukas imaw it kaugalingon nga arcade, ro Past Times Arcade.
