BALITANG Espesyal — Bangud sa ginatawag nga “tawag ng kalikasan,” nag-agto sat aeon ro sangka eaeaki halin sa Madhya Pradesh, India.
Apang samtang nga nagahigku, sangka mabahoe nga sawa ro gulping nagtuhaw ag umatake sa eaeaki!
Naabutan eon lang ro eaeaki it anang mga kaibahan nga nakapungko, nakahuhu ro saewae ag may nakabalimbud nga sawa sa anang leog.
Makita sigon sa itsura it eaeaki ro grabeng kahadlok, kun sa siin nagapaeanig-a imaw ag ro anang eye ball eon lang ro nagahueag-hueag sa sobrang kahadlok.
Gintinguhaan it anang mga kaibahan nga boe-on ro sawa nga ginaboeobanta nga may haba nga 13 nga tapak gamit ro kahoy, apang mas pa nga naghugut ro pagbalimbud kara sa eaeaki.
Bangud nga indi magbuhi sa eaeaki, owa it nahimo ro anang mga kaibahan kundi nga patyon ro sawa.
Sa mayad nga swerte, eowas ro eaeaki ag owa it anuman nga naangkon nga nina halin sa insidente.
Maskin nga bukon it makamandag ro sawa, masarangan nanda nga pumatay it tawo ag ibang sapat pinaagi sa pagbalimbud kara sa eawas it biktima hasta nga mabugtu-an it ginhawa sa sueod eamang it pilang minuto.
