-- ADVERTISEMENT --
KALIBO, Aklan — Patay ro sangka eaeaki matapos makuryente kat magpanghawan it sanga it puno it kahoy sa sueod it compound it sangka eskwelahan sa Brgy. Calimbajan, Makato.
Ginkilaea ni Police Staff Sergaeant Ruel Montuya it Makato PNP ro biktima nga si John Carlo Piano, laborer, sa legal nga edad ag residente it Brgy. Castillo, Makato.
Aksidente sigon nga hasaeawig it biktima ro sangka live wire it Aklan Electric Cooperative samtang nga nagapamutoe it sanga it puno sa sueod it Dr. Ramon B.Legaspi Sr. National Highschool, rason nga imaw hay nakuryente.
-- ADVERTISEMENT --
Sa baskog it boltahe hay naduea-an it alintro ro biktima sa ibabaw it puno ag nahueog.
Ginbawian it hueam nga kabuhi si Piano samtang gindaea sa ospital.
