Sangka eaeaki nga naka-disguise bilang lolang naka-wheelchair ro ginhana nga i-vandalize ro Mona Lisa painting sa Louvre Museum sa Paris, France.
Natabu ro insidente ko Mayo 29, ag suno sa sangka eyewitness, nag-eumpat sa ginpungkuan nga wheelchair ro suspek ag ginhana kara nga basagon ro saeaming nga proteksiyon it Mona Lisa painting.
Kat napas-eawan raya nga basagon, sa saeaming eon lang kara ginpahid ro cake nga kunta hay pagagamiton sa pag-vandalize it Mona Lisa painting.
Samtang ginapaguwa it mga security personnel ro suspek, nagasinggit raya it “think about the Earth” sa katagang French.
Nasayuran nga ro vandalism stunt it 36-anyos nga suspek hay sangka protesta kontra sa climate change.
Matapos arestuhon, ginpaidaeum ro suspek sa sangka psychiatric evaluation.
Bukon it raya ro unang kahigayunan nga may naghana nga i-vandalize ro Mona Lisa painting.
Ko 1956, ginhana raya nga sabyahan it asido ag kaskason it bato.
Umpisa kato, ginbutangan eon raya it bulletproof glass protection.
