KALIBO, Aklan—Nagapabilin nga missing ro sangka eaeaki matapos nga mahueog sa suba nga sakop it Brgy. Laserna, Nabas.
Ginkilaea ro biktimang si Romie Suan, sa legal nga edad ag residente it nasambit nga lugar.
Base sa inisyal nga imbestigasyon it Nabas PNP, nakabaton sanda it impormasyon halin sa punong barangay it lugar bandang alas-10:00 it gabie nga may nahueog sa nasambit nga suba.
Kaangot kara, insigida nandang gin-impormahan ro Municipal Disaster Risk Reduction Management Office (MDRRMO) agud nga magpatigayon it search and rescue operation apang temporaryo raya nga ginpundo kabie bangud sa mabaskog nga sueog it tubi.
Ginapabutyag dugang nga halin sa birthday party ro biktima kaibahan ro anang daywang barkada kon sa siin una sigon imaw nga nagtabok sa improvised nga tulay hasta nga naabot sa punto nga na-out of balance raya.
Nakakapyot pa sigon imaw apang makataliwan ro pilang minuto hay nabali man ro anang nakapyutan ag natigayon nga nahueog sa may kadaeomon nga suba.
