BALITANG ESPESYAL – Sangka eaeaki sa Pennsylvania, U.S.A. ro nakalista it world record matapos nana nga mahimo ro pinakamataas nga kaeo sa bilog nga kalibutan!
Ginkumpirma it records keeping organization nga Guinness World Records nga si Joshua Kiser ang pinakabag’ong record holder it it titueong “World’s Tallest Hat” matapos imaw makahimo it kaeo nga may taas nga 17 feet and 9.5 inches.
Suno kay Kiser, dag-ong 2020 kat planuhon nana nga makahimo it pinakamataas nga kaeo sa pag-eaom nga madali eamang raya himuon.
Kasagsagan raya it COVID-19 pandemic ag kakasra eamang it anang ginasudlan nga kolehiyo kat maisipian nana nga eabawan ro previous record kara nga 15 feet and 9 inches.
Matapos ro ap-at nga dag-on, nahim ni Kiser ro kaeo gamit ro ginsugpon nga tubo it aluhod (downspout) nga himo sa aluminum.
Ro kabilugan nga kaeo ni Kiser hay may bug-at nga 11.9 kilograms.
