POLICE Report — Kulong ro sangka eaeaki kat makita nga may daea raya nga baril matapos nga masita it mga pulis bangud sa pag-ihi sa bawae nga lugar sa Caloocan City.
Suno kay Caloocan police chief P/Col. Paul Jady Doles, samtang nagapatrolya ro mga tawuhan it Police Sub-Station 13 sa Phase 3, Brgy. 176, Bagong Silang kat matiyempuhan nanda ro sangka eaeaki nga naga-ihi sa pampublikong lugar nga sangka pag-eabag sa ginapatuman nga ordinansa it siyudad.
Kat pangayuan it identification card para isyuhan it Ordinance Violation Receipt (OVR) hay nagdaeagan ro suspek rason nga gin-eagas imaw it mga pulis hasta nga aksidente raya nga nadusmo rason nga nakorner it mga pulis.
Bangud kara, nataeupangdan it mga pulis ro pueo it baril nga nakasukbit sa anang hawak rason nga insigida raya nga gin-pusasan kat owa it maipakita ro suspek nga si alyas Boy it nagakaigo nga papeles angot sa legalidad it sangka kalibre 32 revolver nga kargado it tatlong bala nga nabo-oe kana.
Magapangatubang ro suspek sa kasong pageabag sa Art 151 of RPC ag RA 10591 ukon ro Comprehensive Firearms and Ammunation Regulation Act.
