KALIBO, Aklan–Ninahan nga gindaea sa Aklan provincial hospital ro sangka eaeaki matapos nga gin-eabo bandang alas-9:50 kabie sa Sitio Mapaet, Brgy. Aranas, Balete.
Ginkilaea ni P/Cpl. Rosemarie Nobleza it Balete PNP ro biktima nga si Renato Casas, 53-anyos ag residente it Sitio Tagaytay, Brgy. Feliciano sa nasambit nga banwa.
Samtang, ro ginatumod nga suspek hay ginkilaeang si Christopher Allan Flores, sa legal nga edad ag residente it Brgy. Pusiw, Numancia.
Base sa inisyal nga imbestigasyon it pulisya, antes ro insidente hay nag-inuman pa ro daywa kon sa siin kat una eon ro mga raya sa idaeom ko impluwensya it aeak hay may nagpatunga nga mainitang diskusyon sa magtimbang nga parte hasta nga gin-eabo it suspek ro biktima sa liog gamit ro wasay.
May kaangtanan kara, nakaangkon it lastro si Casas ag duguan nga gindaea sa nasambit nga hospital
Sa pihak kara, matapos ro insidente hay insigidang nagpaeagyo ro suspek sakay it anang motorsiklo rason nga padayon pa raya nga gintugis makaron it pulisya para sa nagakaigong disposisyon.
