Nakibot ro mga audience it sangka beauty pageant sa Brazil matapos sumalakay sa stage ro mister it 1st runner-up candidate para agawon ag samaron ro korona it nagdaog nga kandidata!
Naging viral ag gin istoryahan it Brazilian netizens ro video it eskandalosong eksena sa natabu nga LGBTQ pageant nga Miss Gay Mato Grosso ko Mayo 27.
Makita sa video ro crowning ceremony sa tunga it top 2 candidates nga sanday Nathally Becker ag Emannuelly Belini.
Pagkatapos ianunsyo nga si Belini ro bag-ong title holder, nagmadaling sumaka sa entablado ro mister ni Becker ag gin-agaw kara ro korona antes pa raya nga mabutang sa ueo it nagdaog.
Pagkatapos agawon ro korona, ginbasag raya it mister sa saeog ag nagsinggitan it anang mga reklamo nga gindaya ro anang misis.
Matapos masamad ro korona, gin-guyod it security team ro mister paagto sa backstage.
Suno kay Malone Haenisch, ro pageant coordinator it Miss Gay Mato Grosso, nga gina kundina nanda ro natabu nga insidente ag gin insister nanda nga patas ro scoring sa tanan nga kandidata ag owa it dayaan nga natabu.
Dugang pa kara nga owa sanda it plano nga i-demote sa pagiging 1st runner-up si Belini bangud nga bukon man it imaw mismo ro nag-umpisa it kinagamo.
