Sangka office worker sa southwestern China ro gintagsuka kat may nabo-oe imaw nga mahigku nga trapo sa gin-order nana nga hot pot!
Bangud nga kinahangean nga mag-overtime sa trabaho, nag-take out it hot pot ro office worker nga si “Mr. Ning” agud nga saeuhan nanda it mga kaopisina.
Daywang order it Sichuan hot pot ro ginpa-deliver ni Mr. Ning halin sa restaurant nga Shao Hotpot sa balor nga 213 Yuan.
Pag-abot it order, insigidang nataeupangdan ni Mr. Ning nga magkaiba ro kolor it daywang hotpot nga anang gin order.
Ro sabaw it unang hot pot hay mapuea nga ordinaryong kulay kara ag ro ikaywa hay mas dark ro sabaw.
Ginbalewala eamang nana raya bangud nga nagutom eon sanda ag gin-eaum nana nga mas maabu eang ro tomato paste it ikaywa.
Kat nag umpisa eon sanda nga magkaon, ginkalipay nana nga may nabuytan ro anang chopstick nga may una raya nga mabahoe nga serving it ox tripe ukon tuwalya it baka.
Ro ox tripe hay typical nga sahog sa hot pot sa China.
Kat testingan nga guntingon ni Mr. Ning ro ginaeaum nana nga ox tripe, nakibot imaw kat masayuran nga raya hay sangka mahigku nga trapo.
Sa sobrang pagkadiri, nagpaeanuka ro daywa nana nga kaopisina.
Nagtawag si Mr. Ning sa Shao Hotpot para magreklamo ag insigida man nga nagpangayo it pasensiya ro manager kara ag nag aku nga saea raya it sambilog sa andang kitchen worker nga bag-uhan eamang sa trabaho
Suno sa manager, ginpahalin eon nanda ro kitchen worker ag igabalik nanda it triple ro kwartang gingastos ni Mr. Ning sa anang gin-order.
Nagpamalibad si Mr. Ning sa refund ag mas ginpili nana nga ireklamo raya sa Chengdu Food and Drug Administration.
Sa makaron hay owa pa it pahayag ro Chengdu Food and Drug Administration angot sa nasambit nga kaso .
