BALITANG Espesyal — Gin-aresto ro sangka 50-anyos nga eaeaki sa Shizuoka Prefecture matapos nana nga sudlon ro apartment it kaeapitbaeay nga babaye para eabhan ro anang mga bra ag panty!
Natabu ro insidente sa sangka apartment building sa Hamamatsu.
Ginasugid nga makadali nga oras nga nagguwa it anang apartment ro owa eon ginpangaeanan nga 28-anyos nga biktima para magbakae it pagkaon.
Nakalipatan sigon nana nga i-lock ro main door it apartment rason nga madaling nakasueod ro suspek.
Target it suspek ro mga bra ag panty it biktima apang bukon it agud nga takawon ro mga raya kundi nga eabhan.
Pagbalik it biktima sa anang apartment nakibot imaw kat makitang naeabhan eon ro anang mga underwear ag nakabuead eon ro mga raya.
Insigidang gin-report it biktima sa mga pulis ro natabu ag nadakpan ro suspek.
Ginkasuhan it trespassing ro suspek. Ginatumod pa kon ano ro anang motibo kun ham-an nga gin-eabhan it suspek ro mga bra ag panty.
