Sangka 23-anyos nga eaeaking Swedish ro nakalista it bag-ong world record sa titulong “Most Continuous Cracking of Different Joints”.
Ginkumpirma kan-o eamang it Guinness World Records, nga si Olle Lundin ro pinakabag-ong world record holder sa pagpaeagatok it toe-an it 46 beses kat ginpaeagatok it sunud-sunod ro nagkaeain-eain nga joints it anang eawas.
Umpisa nga unga pa, oeobrahon eon ni Lundin nga paeagtukon ro anang mga toe-an.
Nag-umpisa ro anang pagpaeagatok sa mga tudlo sa alima hasta nga matun-an nana nga pati ro mga tudlo sa anang siki hay ginapaeagatok man.
Sang buean nga ginpahauman ag gintun-an ni Lundin ro pagkasunud-sunod it kun anong parte it anang eawas ro anang paeagatukon.
Sa adlaw it anang record breaking attempt, ginlikawan ni Lundin nga maghueag agud nga ma-preserve ro eagatok sa anang eawas.
Naging madinaeag-on ro record breaking attempt ni Lundin kat maeampasan nana it 6 points ro dating record holder nga si Kamal Pokhrel ko 2022 nga may record nga 40 continuous cracks.
Sa makaron, ginapahauman ni Lundin nga maabot ro 60 continuous cracks agud nga mapabilin ro anang Guinness World Record title.
