Sangka mangingisda sa Thailand ro nagpaidaeum sa emergency surgery agud nga mabo-oe ro isdang nag-eumpat pasueod sa anang bibig ag bumara sa anang tutunlan.
Suno sa report, nag-eunip sa suba ro owa ginpangaeanan nga mangisngisda ag kat magtakas agud nga magpahuway, may nag-eumpat nga isdang Anabas halin sa tubi ag ensaktong nagsueod sa anang bibig.
Bangud nga maisot ro isdang Anabas, dumiretso raya sa anang tutunlan.
Ro Anabas hay may mga mataeiwis nga palikpik nga rason agud nga bumara raya sa tutunlan ag owa naka ginhawa ro mangingisda.
Natabu ro insidente ko nagtaliwan nga Mayo 22 sa Phattahalung Province sa Thailand.
Makabig nga masuwerte sa gihapon ro mangingisda bangud nga may nakakita eagi kana ag nadaea imaw sa Phatthalung Provincial Hospital.
Sangka team it mga doktor ro nagsalbar sa kabuhi it mangingisda ag nag buhay ro operasyon it masobra sa sang oras.
Madasig nga nakarekober ro mangisngisda ag insigida man imaw nga na-discharge sa ospital.
