Sangka manugturo halin sa Idaho ro nakalista it bag-ong Guinness World Record sa titulong “Longest Guitar Chin Balance”.
Nabalanse ni David Rush sa anang baba ro sangka gitara sa sueod it sang oras, 13 minuto ag 40 segundo.
Nakilaea si Rush sa bilog nga kalibutan matapos nana nga maangkon ro masobra sa 250 Guinness World Record titles.
Ro pag-break sa maabung Guinness titles ro pamaagi ni Rush para i-promote ro STEM (science, technology, engineering and math) education sa mga pamatan-on sa bilog nga kalibutan.
Napierde nana ro previous title holder nga si Christian Roberto Lopez Rodriguez halin sa Spain nga may nailistang 1 oras ag 35 minuto.
Sa masobra sa 250 world record titles ni Rush, gintawag eon imaw nga “serial record breaker” it Guinness organization.
Apang suno sa manugturo nga owa imaw it plano nga magpundo sa anang hobby bangud nga maabu pang world record titles nga owa pa nana natestingan nga ma-break.
