Sangka dating Hollywood stuntman ag inventor sa United States ro ginpakita sa publiko ro linakabag-o nana nga imbensyon, ro “beer-powered motorcycle”!
Ginakabig nga “Rocket Man” si Ky Michaelson sa andang lugar sa Bloomington, Minnesota bangud sa anang mga imbensiyon kapareho it rocket-powered toilet ag jet-powered coffee pot.
Makaron nga 2023, ginkibot nana ro anang mga fans kat gin anunsyo nana nga nakapag-imbento imaw it motorsiklo nga sarang nga padaeaganon it beer!
Suno kay Michaelson, gin-assemble nana sa anang garahe ro motorsiklo nga may 14-gallon keg with heating coil imbis nga gas-powered engine.
Sa bulig it heating coil, naga init it 300 degrees ro gin-karga nga beer sa makina.
Nagiging super-heated steam ro beer nga naga-propel sa motorsiklo.
Sa estimate ni Michaelson, posibleng umabot it 150miles per hour ro kadasig it motorsiklo.
Suno sa co-inventor ag unga ni Michaelson nga si Buddy Michaelson, puwedeng i-adjust ro makina it motorsiklo ag ibang ilimnon ro gamiton kara bilang “gasoline”.
Sa andang pagtu-on, pwedeng ibang ilimnon kapareho it energy drink, kape ag sports drink ro gamiton kara.
