Ginpiyerdi sa karera it 37-anyos nga bumbero sa Llanwrtyd Wells, Wales ro sangka kabayo.
Si Ricky Lightfoot nga halin sa Dearham, Cumbria sa northwest England hay naging pangatlong tawo eamang sa bilog nga kalibutan nga nagdaog sa kasaysayan nga ginkontra ro sangka kabayo.
Gintapos kara ro 22-milya nga karera sa sueod it daywang oras, 22 minuto ag 23 segundo.
Haeos 15 eon ro nagtaliwan kat nagdaog man imaw sa kumpetisyon.
Ro unang tawo nga nagdaog sa pakikipagkarera sa kabayo hay si Huw Lobb ko 2004 kung siin ginpiyerdi kara ro pinakamadasig nga kabayo sa sueod it 2:05:00.
Gintukod ro kumpetisyon ko 1980 matapos nga daywang katawo sa Neaudd Arms pub ro nakipagpustahan nga sarang piyerdihon it tawo ro kabayo sa sangka pang-maeayuan nga karera.
Sa pinakabag-ong event hay naga-abot sa 1,200 runners ro nakipagkarerahan sa 60 nga kabayo nga may riders.
Hinangaan pa si Lightfoot bangud temprano imaw nga nagbugtaw para makabiyahe halin Tenerife, Spain paadto it Manchester sa United Kingdom.
