Gindeklara it Guinness World Records nga sangka 113-anyos nga Venezuelan ro bag-ong may buyot it titulong pinakamagueang nga eaeaki nga nagakabuhi sa kalibutan.
Ginselebrar ni Juan Vicente Perez Mora, ro anang ika-113 anyos nga kaadlawan ko Mayo 27.
Sa post it Guinness sa Twitter, ginpahayag kara nga dag-on 1909 natawo si Mora sa El Cobre, Venezuela.
Dati imaw nga trabahador sa ueumhan ag naging sheriff.
Makaron hay may una eon imaw nga 18 nga apo, 41 nga great-grandchildren ag 12 nga great-great-grandchildren.
Laygay nana nga agud nga maghaba ro kabuhi, “Don’t drink too much alcohol.”
Mag-eowas sa sangkiri nga mataas nga blood pressure ag indi haeos makabati bangud sa anang edad, maayos man sigon ro ikamayad nga eawas ni Mora, suno kay Enrique Guzman, duktor sa San Jose de Bolivar sa Venezuela.
Ro titulong world’s oldest man living hay dating ginabuytan ni Saturnino de la Fuente García nga halin sa Spain.
Apang namatay si Garcia ko nagtaliwan nga Enero sa edad nga 112 anyos ag 341 diyas.
Samtang, ro ginakilaeang “world’s oldest living person,” hay si Lucile Randon, nga 118-anyos, eon halin sa France.
