Balitang Espesyal——– Sangka soltero nga Vietnamese ro nagparetoke it siyam na beses it bilog nana nga itsura matapos nga pilang beses nga hibaygan samtang nagpaidaeum sa job interview bangud sa anang itsura.
Nag-viral sa social media app nga TikTok ro 26-anyos nga si Do Quyen matapos ipakita ro dati nana nga itsura bago iparetoke ro bilog nga itsura it siyam nga beses.
Ginkakibot it mga follo-wers ni Quyen ro kinaiba it anang dating itsura nga medyu magkaibang tawo ro before and after pictures nana.
Sa sobrang pagdayaw it mga netizens sa transformation ni Quyen, umabot sa ibang social media platforms ro mga litrato it eaeaki.
Suno kay Quyen, nahimo nana nga magparetoke bangud nga pilang beses eon imaw nga naka experiensiya nga ginhibaygan it employers kada imaw hay nagapaidaeum sa mga job interview.
Umabot it $17,400 dollars ro anang nagastos sa siyam nga major plastic surgery nga rhinosplasty, chin implant, porcelain veneers, lip reshaping, double eyelid surgery ag lip implants.
Sa makaron, nagatrabaho bilang makeup artist si Quyen sa Saigon, Vietnam.
