Balitang Espesyal ————-Sangka eaeaki sa Wisconsin ro nakaangkon it Guinness World Record sa pagkaon it big mac nga naga abot eon makaron sa kabilugan nga 32,340.
Si Donald Gorske, residente it Fond du Lac hay nauna eon nga ginkilaea nga lifetime Big Mac consumption umpisa ko 1999.
Suno kana nga kada adlaw hay naga-average imaw it daywang McDonald’s signature sandwiches, ag naging kaparte eon raya it anang routine umpisa ko 1972.
Ginkilaea imaw it Guinness World Records bilang record holder sa kaabuon it Big Mac burgers nga nakaon sa anang kabuhi ko 1999.
Gindugang pa it record-keeping organization nga nabasag kara makaron ro anang kaugalingon nga record matapos nga mag abot sa 32,340 ro anang nakaon .
Ginhambae ni Gorske nga ginatago nana ro packages ag resibo it kada burger.
Gindugang pa kara nga ro anang love affair sa sandwich hay nag umpisa kat una imaw nga makabakae it saeakyan ag nahilig sa drive-thru.
Nagapabilin suno kana imaw nga healthy pinaagi sa owa pagkaon it French fries ag pagtikang it 6 miles kada adlaw.
