KALIBO, Aklan — Una eon sa mayad nga kondisyon ro sangka 38-anyos nga eaeaki matapos nga matabangan sa sangkiri kara nga pagka-eumos samtang nagapaligos, Domingo it hapon sa baybayon nga sakop it Brgy. Tambak, New Washington.
Insigidang gintaw-an it paunang medikasyon it mga rumespondeng myembro it Municipal Disaster Risk Reduction Management Office (MDRRMO) ro eaeaking uwa eon nagpasambit it pangaean ag tumandok it Negros Occidental matapos nga sangkiri eon lang naeomos sa nasambitang lugar.
Base sa report, una sa idaeom it impluwensya it aeak ro eaeaki samtang nagapaligos kon siin nataeopangdan eon lang imaw nga nagakapa-kapa ag nabudlayan sa pagginhawa.
Bangud kara, gilayon imaw nga ginhaw-as sa tubi ag gintaw-an it first aid antes nga gindaea sa Aklan Provincial Hospital para sa anang nagakaigong pagbueong.
