KALIBO, Aklan — Nagapangatubang sa kasong murder ro sangka 27-anyos nga eaeaki matapos tadtaron it pagbuno ro sangka 62-anyos nga stepfather sa tunga it mainitang diskusyon sa sueod it andang baeay sa Barangay Pinamuk-an, New Washington, Aklan.
Ginkilaea ro suspek nga si Arjon Kenji Abella, residente it nasambitang lugar nga ginaalegar nga inatake it nervous breakdown.
Insigida man nga namatay ro stepfather kat makaangkon it multiple stub wounds sa tiyan nga ginkilaeang si Eliseo Barlas it nasambitan man nga banwa.
Suno kay PO2 Jomark Donato, imbestigador it New Washington Police Station nga nakit-an it andang mga kaeapit-baeay ro suspek nga nagguwa it baeay ag puno it dugo ro eambong ag may bitbit nga kutsilyo.
Mabuhay eon sigon nga ginaengganyo it anang ina ag stepfather ro suspek nga magpa-rehab, apang pilit raya nga nagapamalibad bangud uwa man sigon nagapanakit.
