Una sa kritikal ro sangka eaeaki nga pasahero matapos imaw nga itik-eod sa printe it paeabuton nga tren sa sangka subway station sa Manhattan.
Natabo raya bandang ala-1:30 it hapon sa downtown platform it 18th Street subway station sa Chelsea.
Nabue-an it video ro insidente, kun siin makita ro biktima, sangka 45-anyos nga eaeaki, nga nakatindog sa platform samtang nakatan-aw sa anang telepono.
Gintik-eod imaw it suspek paadto sa riles, kun siin maeapit eun lang mag-agi ro sangka train unit.
Ro biktima hay nag-agom it fracture sa bungo ag una sa kritikal nga kondisyon sa Bellevue Hospital.
Hadakpan man it mga pulisya ro suspek nga si Kamel Hawkins, 23, ag ginkasuhan it hana nga pagpatay.
Suno kay Mayor Eric Adams, ginkasuhan eun ro suspek bangud sa madasig nga aksyon it mga otoridad.
