Eaeaking epileptic, nasapwan nga  patay sa suba samtang nagapangisda

ALTAVAS, Aklan — Nasapwan nga owa eon it kabuhi sa suba ro 23 anyos nga eaeaki sa Brgy. Poblacion Altavas, adlaw it Lunes, Abril 13.

Base sa report,  nakit-an eon lang it anang pamilya nga nagahamyangon sa kilid it Agbalili River sa nasambit nga lugar ro biktimang si Diobert Ledesma, residente it nasambit nga lugar.

Ginapatihan it anang pamilya nga samtang nagapangisda hay inatake raya it anang sakit nga epilepsy.

Base sa pag-usisa,  owa it nakit-an nga ibang nina sa eawas ro biktima ag owa man sigon  it nakikita nga foul play sa pagkamatay kara.

Sa pihak kara, igapaidaeum sa post mortem examination ro bangkay it  eaeaki.

Samtang,  padayun pa ro imbestigasyon it mga awtoridad sa insidente.