KALIBO, Aklan —- Nanamay ro sangka 30-anyos nga eaeaki matapos nga mahapit it sangka bus samtang nagapahuway sa kilid it karsada sa national highway nga sakop it Barangay Regador, Ibajay, Aklan.
Dead on the spot ro biktimang owa anay ginpangaeanan nga residente man it nasambit nga lugar, tuga it naangkon nga grabeng kahalitan sa ueo ag abaga.
Insigida man nga naaresto ro driver it pampasherong bus nga biyaheng Kalibo-Pandan, Antique, kun sa siin, ginasugid nga nakaangkon it areglo matapos nga nagpromisa ro kompaniya it saeakyan nga magabulig sa kinahangeanon it pamilya.
Sa inisyal nga imbestigasyon ni PCpl. Jude Ralph Escalada it Ibajay Municipal Police Station, nakapungko ag nagapahuway ro biktima sa nakasalansan nga butong nga bag-o eamang nana nga nahakot kat mahapit it bus.
Ginasugid nga natabu ro insidente matapos nga naglikaw ro bus sa nagpundo nga saeakyan sa anang unahan butang nga dumiretso sa biktima.
Kaibahan it eaeaki ro anang ina nga una eamang sa anang likod nga maswerteng nakalikaw.
