KALIBO, Aklan—Ginpahayag it suspek nga si Delsol Zonio Jr., nga naubusan imaw it gasolina rason nga gin-aywan anay sa lugar ro kotse nga ana man lang nga hinueaman sa anang igmanghud.
Gin-prenda sigon ro kotse sa anang magueang rason nga indi nana masayuran kon may nagakaigo raya nga dokumento.
Dugang pa nga halin sa Balete hay magapa-laundry kunta imaw kat ginparahan sa checkpoint.
Ginsaysay pa nana nga matapos nga ma-stranded sa lugar hay nagtabok imaw it suba ag nagsaka sa bukid agud nga maka-usoy it signal , apang nadusmo imaw ag nabasa ro anang cellphone.
Bangud kara, napilitan lang imaw nga mag-agto sa baeay it anang dating kaklase sa elementarya sa Barangay Polo, Banga.
Ginpahayag dugang nga gintaw-an raya it t-shirt ag tsinelas it anang kaklase pag-abot sa anang baeay nga ginasugid nga puno it bagras ro anang eawas.
Matapos nga ginhatud it kaklase sakay it motorsiklo paagto sa anang kotse, nakita nga may nagahueat eon idtu nga mga pulis sa lugar ag imaw hay gin-aresto.
Naging bukambibig man nana nga indi pagpakialaman ro anang kwarta bangud nga eubus raya nga kinahangean it anang misis.
Ginasugid nga ro suspek hay dating seaman ag halin sa sangka may “kaya” nga pamilya.
Nagapadayun pa ro imbestigasyon it pulisya sa nasambit nga insidente.
