Kalibo Aklan ———Emosyonal nga nagdangop sa estasyon it Bombo Radyo Kalibo ro sangka eaeaki agud nga magpangayo it pasaylo matapos nga magpost it sangka bomb joke sa social media.
Ro nasambit nga bomb joke hay para kay Vice President Leni Robredo nga sa ratong tiyempo hay nakataeanang maga-abot sa Aklan.
Suno kay Haron Castro, tumandok it banwa it Madalag nga pagkatapos makabaton it pilang ka mga mensahe ag mga negatibong komento sa social media hay pilang gabi-e eon sigon imaw nga owa it tueog sa pagpaminsar sa posibleng kaso nga anang paga-atubadngon.
Owa sigon imaw kasayod nga may laye may kaangtanan sa mga bomb threat rason nga owa nana ray ginseryoso.
Dugang pa ni Castro nga nauna eon imaw nga nagdangop sa Madalag Municipal Police Station para magpangayo it nagakaigo nga eaygay kung alin ro mayad nga ubrahan.
Nagdangop man sigon imaw sa volunteer center it kandidato nga gintumod sa anang post para magpangayo it pasensya.
Sa makaron, hay ginpaea eun ro nasambit nga post apang abo ro nakahawid it screenshots ag gingamit pa nga ebidensiya sa pagreport sa Kalibo Municipal Police Station.
