KALIBO, AKLAN — Naninahan ro sangka eaeaki matapos masagasaan it motorsiklo sa national highway it Brgy. Tabangka, Numancia, Aklan.
Sa imbestigasyon it Numancia Police Station, nagagowa nga nakatueogan sigon sa karsada ro biktima bangud sa kahilungon.
Gin kilaea ro biktima nga si Rollan Balsomo, 19, tubong Negros Occidental apang, temporaryong naga estar sa Brgy. Badio, Numancia.
Samtang gina baktas sigon it suspek nga si John Rey Tibar, 27 anyos ro kahabaon it national highway maghalin sa andang baeay sa Barangay Poblacion, Makato paagto sa banwa it Kalibo sakay it anang motorsiklo kat masagasaan ro biktima.
Gina dudahan nga nakatueogan raya sa karsadahon bangud sa kahilungon ag owa nakita it motorcycle rider kat matabo ro insidente.
Insigida nga gin padangat ro biktima sa Aklan Provincial Hospital samtang ro suspek hay boluntaryong nag surrender sa police station nga nakaangkon man it
gasgas sa magkaeain-eain nga parte it anang eawas.
