Napas-eawan si Filipina tennis star ag World No. 19 Alex Eala nga makaabante sa masunod nga round it Wuhan Open matapos mapyerde kay Shi-Han it China, nga presenteng una sa world No. 217.
Nabuoe ni Eala ro unang set sa score nga 6-4, apang bumawi si Shi-Han sa ikaywang set sa score nga 6-3, bago daeayon nga selyuhan ro pagdaog sa deciding set.
Bangud sa pagdaog, nag-abante si Shi-Han sa ikaywang round kon sa siin makaengkwentro nana ro world No. 25 nga si Leylah Fernandez it Canada.
Kasunod kara, nadugangan ro kapas-eawan it Filipina tennis ag natapos eon man ro anang kampanya matapos mapaeuhod sandang daywa ni Turkish partner Zeynep Sonmez sa doubles event sa score nga 2-6, 3-6 kontra sa Ukrainian tandem nanday Anhelina Kalinina ag Dayana Yastremska.
Sa pagtapos it kampanya it Filipina pride sa Wuhan Open, sunod nga nakatutok ro atensyon ni Eala sa Ningbo Open nga igapatigayon sa China halin Oktubre 19 hasta it Oktubre 25.
