Pinaagi it pagmanipula sa DNA, nahimo it mga siyentista sa Harvard University sa Amerika nga pagueangon ro mga eanggam ag uman raya nga napabata pinaagi sa pagreporma sa andang cells.
Posibleng raya eon ro sabat sa ginatawag nga “fountain of youth?”
Makita sa sangka video ro daywang eanggam nga ginasugid nga magka-edad apang mataeupangdan nga mas bata ro itsura it sambilog.
Ginpangunahan ni Dr. David Sinclair ro research ag gintutukan sigon it andang team ro epigenome it mga eanggam.
Ro epigenome hay nagatau sigon it instruction sa mga cell nga makaangkon it nagkaeain-eain nga functions sa organs.
Ginpahayag it mga researchers nga ro paggueang hay resulta it problema sa epigenetic instructions sa cells.
Agud nga raya hay pamatud-an, ginamanipula sigon ro DNA it mga batang eanggam ag nakaangkon ro mga raya it signs of aging kapareho it pagputi it mga baeahibo ag pagniwang.
Ro mga ginpagueang nga eanggam hay ginpaidaeum sa gene therapy kun sa siin gin-reprogram ro instructions sa andang cells ag madinaeag-on sanda nga napabata it uman.
Ginatun-an eon it team kun maga-gana man ro proseso sa non-human primates.
