POLICE Report — Makaeoeo-oy ro sangka eapsag matapos nga basta eamang nga gin-aywan sa sangka nakaparadang topdown tricycle sa guwa it iskinita sa Jogging road Tomato Street, Brgy. Bagumbayan, Bulacan.
Sa Facebook post it Sangguniang Barangay it Bagumbayan nga nag-viral, ginaboeobanta nga sang adlaw pa eamang ro nakit-an nga eapsag nga ginpangaeanan kay Hope Robes.
Nasayuran nga nakit-an it sangka nagahingaean kay alyas Danilo bandang 4:00 it aga-aga ro eapsag.
Base sa mga comments, may sangka netizen ro naghambae nga sa katung-anan it gabi-i hay may nakasub-eang sanda nga sangka babaye nga naka-facemask ag kaeo nga may daea nga eapsag, kun sa siin raya ro andang ginadudahan nga nag-aywan kara.
Maabu man nga mga netizen ro naakig sa ina nga nag-aywan sa anang unga ag may mga naghambae nga gusto nanda nga ampunon ro cute ag medyu healthy nga babayeng eapsag.
