Eapsag nga gin aywanan maeapit sa waiting shed, na-rescue

KALIBO, AKLAN — nakakabit pa ro pusod ag owa pa masyadong nalimpyuhan ro sangka eapsag nga babaye kat makit-an maeapit sa sangka waiting shed kaina it agahon sa Brgy. New Buswang Kalibo.

Gin-eowas it mga residente sa lugar ro eapsag nga gina-alegar nga nakasueod sa sako.

Suno sa pahayag nga nakibot ro mga pumueuyu nga may nagatinangis nga eapsag ag kat agtunan hay nakita ro unga nga bag-ong tawo nga gin-aywan sa lugar .

Insigida raya nga gindaea sa provincial hospital nga makaron hay una eon sa mayad nga kahimtangan ag gintugyan sa pagdumaea it Department of Social Welfare and Development.

Padayun man nga gina-imbestigahan it otoridad kung sin-o ro nag-aywan sa unga.