KALIBO, Aklan—Nagapadayun eon ro early registration it Department of Education (DepEd) para sa School Year 2023-2024.
Suno kay DepEd Region 6 spokesman Hernani Escullar nga raya hay gin umpisahan ko Mayo 10 para sa incoming kindergarten, Grades 1, 7, ag 11 learners sa mga pampublikong eskwelahan sa bilog nga nasyon para sa masunod nga academic year.
Magabuhay sigon raya sa sueod eamang it sang buean ukon hasta sa Hunyo 9, 2023.
Gindugang pa ni Escullar nga importante ro early registration agud nga mataw-an sanda it kahigayunan nga makapatigayon it mga kinahangeanon nga pagpahaum ag adjustments sa plano nanda para sa school year 2023-2024.
Ginklaru man it DepEd nga ro mga incoming Grades 2 hasta 10, ag 12 learners hay ginakonsidera eon nga pre-registered ag indi eon kinahangean nga magpasakop sa early registration.
Angot kara, gin engganyo it DepEd ro mga ginikanan nga magpatigayon it face to face transaction sa pagpa-rehistro sa andang mga learners.
