Nagbutang it mga early warning device ro barangay council ag Municipal Disaster Risk Reduction and Management Office bilang kaparte it paandam sa publiko nga indi mag-agi sa lugar tuga it natabu nga soil erosion ukon pagkahugos it eugta kasunod sa pagkasamad it seawall sa Sitio Saugan, Brgy. Tambak sa banwa it New Washington.
Suno kay Punong Barangay Alex Villaruel nga ro nasambit nga warning device hay ginbutang sa coastal erosion-prone area matapos nga nagtuga raya it mabahoe nga buho nga delikado sa mga residente ag iba pang nagapamasyar sa lugar.
Dugang pa ni Kapitan Villaruel nga uman sanda nga nakipag-angot sa Department of Public Works and Highways ukon DPWH angot sa nasambit nga problema kun sa siin maeapit eon lang raya sa concreting it karsada .
Ro dati suno kana nga ginbutang nga mga sand bags it ahensiya sa lugar hay na-wash-out korondaya eamang bangud sa mabaskog nga humbak .
