Nagtaliwan eon sa pihak nga kinabuhi ro drummer it classic 70’s superband nga Earth, Wind & Fire nga si Fred White sa edad nga 67.
Suno sa igmanghod ag kabanda kara nga si Verdine White nga namatay imaw sa andang baeay sa unang adlaw it 2023.
Owa eon man raya nagtao pa it ibang detalye sa naging rason it anang kamatayon.
Ginakabig nana si Fred bilang “original” founding member it grupo.
Ginbilog kara ro banda kat imaw hay 16 anyos pa eamang.
Antes nabilog ro banda hay nagasunod eon si White sa singer nga si Donny Hathaway bilang drummer.
Nagdaog ro bandang Earth, Wind and Fire it an-om nga Grammys ag 13 beses raya nga naging nominado.
Nagdaog man imaw best R&B instrumental performance sa 1979 sa kantang “Boogie Wonderland”.
Dag-on 2000 kat ma-induct ro banda sa Rock & Roll Hall of Fame.
