KALIBO, Aklan–Ginakabig bilang sangka importanteng holiday sa Amerika ro Easter Sunday.
Suno kay Bombo International Correspondent Greg Aguilar it California U.S.A nga ginagamit it mga residente sa nasambit nga lugar ro Easter Sunday bilang adlaw agud nga magkinasadya ag makapahuway.
Ro mga pamatan-on hay nagahampang it egg hunt nga gina-organisa man it pilang ka mga organisasyon ag indibidwal.
Kaabuan sa mga Kristiyano hay naga-adto sa simbahan ag nagasuksok it festive attire.
May mga pila man nga nagasuksok it makolor nga eambong.
Ro mga magpamilya hay nagakinasadya man kaibahan ro andang pamilya ag nagasaeo-saeo sa pagkaon.
Masami nga makit-an ro magkapamilya ag magkabarkada nga nagapadueong sa beach.
Samtang ro mga estudyante hay gina-enjoy eamang ro mahaba-haba nga holiday season agud mga makapahuway sa andang mga oeobrahon sa eskwelahan.
